Мой сьцяг

Хай пройдзе сто гадоў ці сто хвілін –

у душы, у сэрцы, нават у вачах

я захаваю велічны, сьвяты

мой бел-чырвона-белы родны сьцяг!

Скрозь цёмныя падзеі даўніны,

нягледзячы на боль, на кроў ды страх,

мне продкі гэты сымбаль прынясьлі –

мой бел-чырвона-белы родны сьцяг!

Жыццё абараняе ад спакусы,

зьнішчаючы няволі брыдкі гмах!

Узьнімаецца над людам беларускім

мой бел-чырвона-белы родны сьцяг!

Нібыта месяц у абдымках зорных,

дзе ў вышыні нябёс зьнікае дах,

лунае над Радзімаю ўлюбёны

мой бел-чырвона-белы родны сьцяг!