АҚПАТШАМ

Сеніменен, егіз менің тілегім.

Егіз менің сен деп соққан жүрегім

Өмірімнің ақ патшасы сайланып,

Болдың ба сен, мəңгі менің тірегім.

Ақ патшам, əміршім, сенерімсің.

Шаңырақтың қорғаны, сен ерісің.

Бақыттымын өзіңмен жаным менің,

Сақтап тұрар отбасын білегімсің.

Сен қуансаң қуанам шаттанамын,

Мұңайғанда мұңайып жасқанамын.

Асыл жаным, өзіңнің тілеушің боп,

Əрдайым мен қасыңнан табыламын.

Маған ғана жаралған аппағым деп,

Барша əлемге мақтанып жар саламын.