Кіеў 18.02.2014

Болей я не вярнуся дахаты,

не вазьмусь за каханай руку,

бо, калі ўжо пайшоў брат на брата,

я ня здолеў застацца ў баку!..

Я ўжо не ўсьміхнуся дзіцяці

ды ня выйду на шпацыру вальс

разам з роднаю, мілаю маці!..

Бо назад не павернеш мой час...

Я народ бараніў ад гранаты,

ад дубінак свабоду хаваў,

сваю мару з-пад стрэлаў стракатых

вынасіў - усё з малітвай трываў!

Ды трымаўся, калі палівалі

нас жалезнай вадой у імгле!..

Учора маю краіну ўбівалі!

І забілі зь ёй разам мяне...