Түн тұмшылап біртіндеп,
Жұлдыздар жымың қағады.
Жүрегім қатты дүрсілдеп,
Аңсатып сені барады.
Қаншама сырды ақтарып,
Айтып ем саған не шара.
Дауысың қалды жатталып,
Қош айтыппыз бир жола.
Ұмыту сені оңай ма,
Арманым сенсің жалған-ай.
Қалайша жаным, қалайша,
Ұмыттың бәрін оп оңай.
Сағынбассың сен мені,
Сөзсіз оны ұқтым мен.
Сағынам бірақ мен сені,
Таусылғаншы соңғы дем.
Сол еді ең ауыр жаза,
Тағдырдың маған сыйлығы.
Саған деген сезімім таза,
Шын суйю жүрек бұйрығы.
Момышева
