Қазағым

Аңсағанға қолың жетті қазағым,

Бодандықтың талай тарттың азабын.

Бабалардың қаны сіңді жеріңе,

Өзің жайлы мақтанышпен жазамын.

Талай ерлер жауға аттанды ел үшін,

Талай батыр жанын қиды сен үшін.

Ұл-қызыңның ерлігімен бүгінде,

Тәуелсіздік сенің жеткен жемісің.

Оның міне он жылдыгғын тойлайсың,

Тойлайсың да қызығына тоймайсың.

Егемен ел, шын тәуелсіз қазағым,

Көркейсем деп ертеңіңді ойлайсың.