Симеон Полоцкий

Кремень, аще железом ударен бывает,
светлыя огна искры из себе пущает
Христиан гонения всегда егда припирают,
огнь любве ко Господу тогда проявляют:

Воздержание аще безмерно храниши,
Множицею души ти вред велий твориши:
Плоти бо изнемогшей ум не добр бывает, —
Разсуждение в меру вся да устрояет

Чин купецкий без греха едва может быти,
на многих бо я злобы враг обыче лстити;
Изрядное лакомство в купцах обитает,
еже в многия грехи оны убеждает

Октовиан царь римский, кроток зело бяше
и с простолюдинами беседы творяше
О том и советницы яша увещати,
дабы ся не изволил только смиряти

Кийждо человек врага си имеет,
иже пакости в пути ему деет:
мир, плоть и демон обычно стужают,
рай заключают

Вино хвалити или хулити — не знаю,
Яко в оном и ползу и вред созерцаю
Полезно силам плоти, но вредныя страсти
Возбуждает силою свойственныя сласти

[1]
3ряй на реку текущу, верх вод созерцает,
а таин, во в глубине сущих, не видает:
Подобно писание писменно читаяй

Крест пречестный церкве слава,
На нем умре наша глава
Христос Господь, всех спаситель,
Кровию си искупитель

Дидак Озорий в узы воверженный,
Кралем Испанским об нощь изменённый
Бысть юный в старца, ибо его власы
Из черных быша седы в малы часы

Не сила капли камень пробивает,
но яко часто на того падает;
Тако читаяй часто научится,
аще и не остр умом си родится

Корабль, на мори ветрами гонимый,
от рыбы малы бывает держимый,
юже «удержку» мощно нарицати,
яко есть силна корабль удержати

Блажен муж, иже во злых совет не вхождаше,
ниже на пути грешных человек стояше
Ниже на седалищех восхоте седети,
тех иже не желают блага разумети

Что наипаче от правды далеко бывает,
гласу народа мудрый муж то причитает
Яко что-либо народ обыче хвалити,
то конечно достойно есть хулимо быти