WERE ye at the pier o’ Leith

WERE ye at the pier o’ Leith?
Or came in by Bannochie?
Crossed ye at the boat o’ Craig?—
Saw ye the lad wha courted me?

Short hose an’ belted plaidie,
Garters tyed below his knee;
O, he was a bonnie lad,
The blythe lad wha courted me!

O, weary fa’ the lang yellow broom,
Gaur’d me gang kilted to the knee,
May the sleekie bird ne’er build a nest
That sung to see the hawk wi’ me!